Freak

I han e Kolleg, dä het kei Telefon
Kei Färnseh und kei Radio
Wenn Du öppis vo ihm wotsch
Muesch scho sälber zue ihm goh
Grad letscht Wuche het är no dr Briefkaschte abmontiert
Wil ihn au dr Schriftverkehr nümmi interessiert.

Är isch e Freak, nimmt’s nid so gnau
Är rauch t si piece und Tripsli spickt är au
Är isch e Freak, betont abghange
Und sini beschte Jöhrli sin scho lang vergange.

In siner Wohnig schmeggt’s nach Räucherschtäbli
Wie me’s us de 60er kennt
Är sälber schmeggt nach Tigerbalm
Dass es in de Auge brennt
Wenn är e Platte uffleggt isch es sicher Beatles oder Floyd
Und numme was nid in dr Norm isch, macht ihm wirklich Freud.

Är isch e Freak, nimmt’s nid so gnau
Är snifft si Koks und Pille schluckt är au
Är isch e Freak, betont abghange
Und sini beschte Jöhrli sin scho lang vergange.

Mi Kolleg isch är scho lang
I han en z’Goa kenneglehrt
Gege Disziplin und Autorität
Het är sich immer gwehrt
Und grad so wie är bin au ich e Fründ vo dr freie Moral
Au wenn alli Schpiesser behaupte, das sigi nid normal

Ich bin e Freak, nimm’s nid so gnau
Ich rauch mi piece und suffe tue ich au
Ich bin e Freak, es isch ungehüür
Ich kenn mi us und weiss, dr gueti Rot isch tüür.